Aktuelt
(30.04.2013)
Fylkesarkivet har digitalisert den fyrste møteboka for Fjaler Arbeidarparti. Ho er ikkje stor i omfang, men gjev likevel viktig informasjon om oppstarten av heradspartiet i kommunen.
|
(19.04.2013)
Claus Rumohr Moe fekk i 1933 brev frå barndomsvenen sin, Kristoffer Kjos, som var misjonær i Mandsjuria. I brevet formidlar Kjos inntrykka sine frå ein turbulent region, der etterdønningane av den russiske revolusjonen framleis var synlege, og der nærveret av japanske soldatar var ein del av dagleglivet.
|
(15.04.2013)
Tredje pinsedag er det 150 år sidan Davik misjonsforening vart stifta. I det høvet har Fylkesarkivet digitalisert den fyrste møteboka for laget.
|
(02.04.2013)
Ingunn Kroken har sendt oss bilete av eit måleri av Julius Hartmann, og lurer på kvar det er frå. Kjenner nokon av lesarane att lanskapet?
|
(11.03.2013)
Kåre Nygård har sendt oss ei interessant soge om garden Sølvberg. Skriftet inngår i ein serie om gamle tun på Nordsida i Stryn.
|
(06.03.2013)
5. mars var det 60 år sidan den sovjetiske diktatoren Josef Stalin døydde. To år før Stalin gjekk bort vitja fagforeiningsleiaren Bernhard Alsvik frå Høyanger Sovjetsamveldet.
|
(01.03.2013)
Dette var meldinga på eit kort hesten Fanaraak i 1910 sende til formannen i Sogn og Fjordane Landbruksselskap. Han hadde i fleire år gjort teneste som avlshingst i fylket.
|
(01.02.2013)
Frå Terje Steinar Vallestad har me motteke digitale kopiar av fleire protokollar frå Viksdalen Idrettslag. Det er tale om ei møtebok, årsmeldingar og lagsblad.
|
(28.01.2013)
Fylkesarkivet har fått tildelt 37 500 kroner frå Kulturrådet til ordning av arkivet etter avismannen Per Håland. Materialet som no vil bli gjennomgått og katalogisert er variert, og inneheld mellom anna manuskript til artiklar og føredrag, korrespondanse, sakstilfang og foto.
|
(24.01.2013)
Ragnar Indrebø har gjort ein kjempejobb. På fritida har han digitalisert, transkribert og korrekturlest Steens massive manuskript om Førde si historie: "Steens skrifter om Førde sokn". Det er ei perle som har vore utilgjengeleg for dei fleste. No er over 1100 sider førdehistorie tilgjengeleg for alle. Gratularar.
|