Aktuelt

Hermund Kleppa, tidlegare arkivar ved Fylkesarkivet, stilte 5.10.12 spørsmålet «Når kom fylkesmannen til Leikanger?» på Facebook. Svaret fann han i dag på Fylkesarkivet, og året er 1862.

I samband med at Flora kommune skal avlevera arkivet etter sentraladministrasjonen frå perioden 1964 til 1993, vitja Fylkesarkivet kommunen denne veka. Me gjekk gjennom kva arkiv som skal avleverast, samt laga ein plan for praktisk gjennomføring av avleveringa.

Flora kommune har gjort avtale med Fylkesarkivet om å ordne kommuneadministrasjonen sitt arkiv frå perioden 1964 – 1993.

Første forhandlingsprotokollen til Davik formannskap frå 1837-1873 er no registrert i møtebokregisteret.

Oppreisingsutvalet i Sogn og Fjordane har handsama sju nye søknadar om oppreising, og innvilga fire av dei. Totalt vart det innvilga 2,25 millionar kroner i oppreising.

Arbeidet med arkivet etter Gulen kommune fram til 1964 er no sluttført. 81 kommunale arkiv frå Gulen er publiserte på Arkivportalen.no

På kommunearkivordninga har fokus i det siste mellom anna vore å få best mogleg oversikt over dei kommunale arkiva i depot. I 2006 avleverte Gulen kommune arkiva frå Brekke og Gulen kommunar eldre enn 1964 til depot på fylkesarkivet. Saman med arkivet frå Førde, har desse arkiva stått i fokus den siste tida. No er arkiva frå Brekke og Førde på Arkivportalen.no.

I dei kommunale arkiva våre finn vi store mengder arkivmateriale frå skulane i fylket. Ei artig kjelde er skuleavisene.