Nyhende

Den 13. mars 1883 grunnstøytte skonnerten «Satellite» frå Jersey på ein sandbanke aust av Norfolk i England. Utfallet av uhellet var uvisst. I verste fall kunne mannskapet måtta gå frå borde. Dei sette lettbåten på sjøen med skipspapir og andre verdisaker og 16 år gamle Thomas Davis om bord i båten for å passa på. Men lettbåten sleit seg og rak av austover og ut av syne utan at nokon kunne koma til med hjelp. Etter fleire timar greidde mannskapet å få «Satellite» av grunnen og trygt i hamn i Southampton. Kapteinen rapporterte om lettbåten og rekna med at Thomas var omkomen.

Fyrste nummeret av Kjelda for 2013 er i desse dagar på veg ut til tingarane våre. I dette nummeret kan du lese intervju med Karl Seglem, om norskamerikanaren som fekk oppkalla to byar etter seg, og om Dina Krog Paasche – den fyrste kvinnelege kommunestyrerepresentanten i Sogn og Fjordane.

INDVIKEN stod det i mange år med store bokstavar på kaibygningen i Innvik, Stryn. Huset vart bygt tidleg på 1900-talet, og var i bruk som dampskipsekspedisjon for Fylkesbaatane til 1986 då det var slutt på regelfaste anløp. Alle stoppestadene i Fylkesbaatane sitt rutenett hadde ekspeditør. Olav Bennæs (1910-2006) var dampskipsekspeditør i Innvik over 40 år, frå 1942 til 1986.

Jubileumsprosjektet «Kvinnestemmer frå Sogn og Fjordane» er blitt 150 000 kroner rikare. Søknaden gjekk gjennom nålauga hos Barne-, likestillings- og inkluderingsdepartementet.

I nettutgåva til kommunal rapport kan du lese om korleis arkivmeldinga blir oppfatta i det kommunale arkivmiljøet

Ved Fylkesarkivet er det ledig eit engasjement, med varigheit 6 mnd. knytt til fagområdet foto. Arbeidsoppgåvene vil i hovudsak vere digitalisering og bilethandsaming av kulturhistoriske foto. Vi søkjer etter ein positiv og omgjengeleg person som har utdanning innanfor foto, kultur- og samfunnsfag, og som har generell god IKT-kompetanse. Erfaring med registreringsarbeid og/eller digitalisering/elektronisk biletbehandling er ein stor fordel.

Saman med Vestllandsforsking og fleire andre partnarar, skal Fylkesarkivet utvikle nye måtar å registrere og synleggjere innhald i arkiv og databasar. Utviklingsprosjektet er planlagd over 3 år, og vil ta i bruk ny og spanande teknologi som ofte blir om talt som semantisk web. Det vil vere første gongen denne teknologien blir forsøkt utprøvd i arkiv- og museumssektoren i Noreg i større målestokk.

Brev til Fylkesarkivet kjem på postlista og kan lesast av alle, dersom det ikkje inneheld opplysningar som ikkje skal offentleggjerast.

Slektsforsking er i vinden for tida. Før ein kastar seg ut i kjeldegranskinga, er det ofte lurt å gjere seg kjend med dei prenta ættesogene. Fleire av dei ligg tilgjengeleg på Internett.

I 2013 er det 100 år sidan Noregs kvinner fekk full stemmerett. Fylkesarkivet og Musea i Sogn og Fjordane vil i stemmerettsåret vise fram mangfaldet av kvinnestemmer frå fylket. Organisasjonen Fritt Ord trur på prosjektet og har difor løyvt kr 100 000.