Auf Kommentar antworten
Festdagen 1. mai
1. mai som arbeidarane sin kamp- og festdag går over hundre år attende. I 1889 vedtok Den andre Internasjonale at fyrste dagen i mai 1890 skulle vere arbeidsfolket sin demonstrasjonsdag. Dagen vart òg markert fleire stader i Noreg.
Det er såleis ein dag med lange tradisjonar. Den har blitt eit symbol på dei fagorganiserte sitt samhald og styrke.
Fylkesarkivet har i fleire år arbeidd med å ta vare på arbeidarhistoria for Sogn og Fjordane. Til no har me registrert litt i underkant av 250 ulike arbeidararkiv. På denne sida finn du ei liste over arkiva. Det er mogeleg å sortere dei på namn, type arkiv og kommune.
I tillegg har Fylkesarkivet digitaliserte kopiar av møtebøker frå arbeidarpartilag i fylket fram til ca 1940. Der kan du lesa om korleis 1. mai vart markert rundt om i Sogn og Fjordane før krigen, og dessutan mykje anna spanande.
Litteratur: Wikipedia
