Auf Kommentar antworten

I september 2007 vart dei historiske delane av fotoarkivet til Hydro Aluminium Årdal deponert hjå Fylkesarkivet. Alt i alt tok vi i mot ca. 8.500 foto og kring 10.000 tekniske teikningar. Vi jobbar no med å digitalisere og registrere eit utval på 5000 fotografi frå samlinga. Viktig historisk kjeldemateriale som til dømes fotografia tyskarane tok frå byggjeprosessane i krigsåra vil bli prioritert i dette arbeidet.

Fylkesarkivet har så langt digitalisert 2500 fotografi, og på fredag 30. september vart også registreringsarbeidet sparka i gang. Vi er takksame for å få Årdal sogelaget med på laget, og ser fram til eit godt og produktivt samarbeid i tida framover! Bileta frå Hydro Aluminium Årdal vil bli tilgjengelege på heimesida våre etterkvart som registreringsarbeidet skrir fram.