Vi møtest på Arkivdagen, laurdag 12.11

Om det er “Gudsens sanning kvart einaste ord” eller ei hardnakka myte at folk i Sogn og Fjordane krangar om det meste, slepp Fylkesarkivet ta stilling til, derimot kan vi gjennom arkiva våre vise ei rekkje døme på korleis folket i fylket har nytta ytringsfridomen sin gjennom tidene. Slike smakebitar vil vi gje på Arkivdagen.

Førebuingsarbeidet er godt i gang. Frå magasina vert det henta fram arkivmateriale, tekstar vert skrivne, utstillingar monterte, det vert laga plakatar og anna demonstrasjonsmateriale.  Ei multimedieframsyning er også under arbeid. Mykje arbeid ligg bak når sjukehusstridane, kampen mot utbygging av Gaularvassdraget, nedlegging av musikkterapiutdanninga på Sandane og nedskjering i fylkesmusikarordninga skal formidlast.

Dagens program:

Kl. 11.00 Dørene opnar.  Kafé, omvisingar og utstillingar.

Omvisinga i magasina skjer ved oppsamling av interesserte, før, under og etter foredraga.

Kl. 12.00 Johan Rørvik. Kampen mot mytane. Korleis Informasjonskomiteen for Vern om Gaula arbeidde for å redde Gaulavassdraget frå kraftutbygging. Føredrag i Firda-salen.

Kl. 14.00 Johs B. Thue. Eit riss av sjukehustridane i fylket. Føredrag i Firda-salen.

Vi ynskjer velkomen til utstillingar, boksal, omvising i magasina, spanande foredrag og ikkje minst smakfulle heimelaga kaker, kaffi og jus. Alt gratis.