Studentar vitja Fylkesarkivet
Studentar vitja Fylkesarkivet
Med lupe og kvite hanskar. For fylkesarkivet er det stas å visa fram det originale og unike arkivmaterialet me tek hand om (foto Fylkesarkivet).
På ordningsrommet. Studentane fekk ei orientering om arbeidet vårt og omvising i lokala våre. Her får førsteamanuensis Jan Anders Timberlid ei orientering om arkivet til Ytre Fjordane Kraftlag av arkivmedarbeidar Bodil Marie Nornes (foto Fylkesarkivet).
Det såg ut til at arkivmaterialet var interessant å granske nærare (foto Fylkesarkivet).
Kva fins på Fylkesarkivet? Kan ein bruka privatarkiv eller kommunale arkiv som kjelder til bacheloroppgåva? Kva hjelp kan ein høgskulestudent få av ein arkivar?
Onsdag 18. januar fekk Fylkesarkivet besøk av historiestudentar frå Høgskulen i Sogn og Fjordane. Studentane tek bachelorgrad og skal læra om å bruka arkivmateriale som kjelder. For oss var det sjølvsagt stas å visa fram det origingale og unike arkivmaterialet me tek hand om, og me henta fram døme på privatarkiv og offentlege arkiv som studentane fekk granske.
Dei fekk også ei omvising i lokala til Fylkesarkivet og ei orientering om databasane våre og digitalisert arkivmateriale på nettet.
Del artikkel
Kommentar hinzufügen