Kulturhistorisk leksikon
Veit du kor mange minnesteinar det er i kommunen din? Var det nokon i din kommune som røysta nei til oppløysinga av unionen med Sverige i 1905? Veit du kva tid vegane i kommunen din vart bygd? Dette og mykje anna kan du finne svar på ved å lese artiklar i kulturhistorisk leksikon.
Gulatinget var møtestaden i Vestlandet sitt gamle lovområde. Frå først på 900-talet og 400 år frametter var tingmøtet i Gulen sentralt i rettsstellet i landsdelen. Artikkelen om Gulatingstaden kan du lese i Kulturhistorisk leksikon
Kulturhistorisk leksikon har mange forfattarar. Dei fleste arbeider med lokalhistorie i kommunane i fylket. Andre forfattarar er tilsett ved Fylkesarkivet eller musea i Sogn og Fjordane. Artiklane er meint å gje eit oversyn over det aktuelle emnet ved hjelp av tekst, foto og kjeldereferansar.