Nyhende

Prosjektleiar for 250-årsjubileet for Sogn og Fjordane fylkeskommune, Edvin Helgheim, ynskte velkomen til dei 48 frammøtte. Programmet for dagen var å presentere dei første to banda i fylkessoga og Flora si nye bygdebok.

Hermund Klepppa har funne fram ein interessant artikkel om tingstova i Lavik. Tingstova finst ikkje lenger, men i 1956 skreiv Anders Skåsheim om ho i avisa "Sogn og Fjordane". Fleire personar hadde gitt Skåsheim opplysningar slik han kunne laga ei skriftleg framstilling. Informantane hans var gamle folk. Skåsheim samla historiske opplysningar og sikra dei for ettertida. Takka vere Skåsheim veit me noko om den gamle tingstova i Lavik.

Skipsleia Bergen-Sogn har mange attraksjonar for turistar og andre reisande. Strekninga frå Kvennafjorden nordover til innløpet av Sognefjorden har fleire svært smale stykke som vekkjer undring: at det er råd å manøvrera i stor fart i så trangt farvatn. Men somme stader sakkar båtane farten, forbi bryggjer og småbåtplassar. På det trongaste sør i Alværstraumen gjer dei det. Her fer båten forbi eit skjer der det står ein lyktestolpe og, ein hund.

Arbeidet med det 4 bind sterke Fylkeshistoria i Sogn og Fjordane er no godt i gang. Ein hovudredaktør og 4 historikarar frå høgskulane i Volda og Songdal skal skrive verket, og 2.november vil vi få dei første glimt av historia og kva tankar histoprikarane gjer seg om vegen vidare. Det fell saman med lanseringa av 1.bind av Flora-historia, og seminaret blir derfor lagt til Florø denne dagen, som blir avslutta med ein heidundrande lanseringsfest.

Like sikkert som at trekkfuglane fyk sørover på denne tida, like sikkert er det at vi får besøk frå 8.klassane frå Leikanger ungdomsskule. Dei skal hente kunnskap om bygda si og kjem då til oss. Det likar vi godt.

Søndag 16. september vart det avduka ein minnestein over misjonæren Malla Moe. Mykje folk var samla på bedehuset på Hafslo for å ta del i markeringa av den fargerike misjonærkvinna.

Tett innunder jul 1947 og på nyåret 1948 kom dei to tidlegare ubåtjagarane HMS «Kildwick» og HMS «Kilham» til Noreg. Dei skulle ombyggjast og bli til passasjerbåtane «Sunnfjord» og «Sognefjord».

Dei fleste arkiva inneheld trykksaker. Nokre er svært interessante, andre er ikkje så interessante. Denne trykksaken vi fann denne gongen er ein liten godbit for dei historieinteresserte.

Vi har motteke fire-fem store postsendingar med bøker frå professor Jarle Bondevik. Her på Fylkesarkivet er vi svært takksame for denne store bokgåva.