Reply to comment

Møtebøkene for formannskap og kommunestyre er ei unik historisk kjelde. Gjennom registeret vil ein lett få oversikt over kva saker som var handsama i formannskapet.

Første protokollen frå Davik kommune er på 376 sider og inneheld kring 1370 saker som er registrert. I saksregisteret får ein sjå kva saker som vart handsama den aktuelle dato. Dei aller minste saker vart handsama og ein får eit godt inntrykk av kvardagen på bygda. Her er mange spanande saker, og saker om kyrkjer, kyrkjegardar og prestar var ofte oppe i formannskapet. I møteboka for Davik får ein med mange detaljar, som til dømes fordeling av stolseta i Rugsund kyrkje og forhandlingane vedkomande kjøpet av Davik hovudkyrkje.