Fylkesarkivet i Sogn og Fjordane har fått ny nettstad!

fylkesarkivet.no

Du er no på den gamle nettstaden og den vert ikkje lenger oppdatert med nytt innhald. Klikk på denne beskjeden for å besøke ny nettstad med siste nytt frå oss. Velkommen!

Klatrefoto identifiserte

Klatrefoto identifiserte

Far og son Gunneng på toppen av Storen / Store Skagastølstind. Fotograf: Plesner
Far og son Gunneng på toppen av Storen / Store Skagastølstind. Fotograf: Plesner
Christian A. Gunneng ved Vigdalssva på veg opp Storen. Fotograf: Asbjørn Gunneng
Christian A. Gunneng ved Vigdalssva på veg opp Storen. Fotograf: Asbjørn Gunneng
16-årige Asbjørn Gunneng i Heftyes renne på Storen. Fotograf: C. A. Gunneng
16-årige Asbjørn Gunneng i Heftyes renne på Storen. Fotograf: C. A. Gunneng
Samlinga med 41 foto etter klatraren Asbjørn Gunneng (1906-1933) er no registrert takka vere etterkomarane hans.

Nevøen til Asbjørn Gunneng, som også heiter Asbjørn, skal ha ei stor takk for å ha sendt oss utfyllande opplysningar til bileta. Det syner seg at vi i samlinga finn bilete både frå Kolsås og Jotunheimen. Klatreturar til mellom anna Storen, Torfinnstindane og Store Midtmaradalstind er dokumentert i samlinga. Bileta er stort sett frå perioden 1922-1925.

Asbjørn Gunneng (1906-1933) var utdanna jurist. Han vart ein kjend fjellklatrar på 1920-talet og stod for fleire førsteklatringar i inn- og utland. Mellom anna var han saman med Boye Schlytter og Ola H. Furuseth den første til å klatre sørveggen frå Slingsbybreen opp Store Skagastølstind. Førsteklatringa av sørveggen fann stad i 1927, og er såleis ikkje dokumentert her. Men som biletsamlinga synleggjer hadde Gunneng fleire klatreturar opp Storen før den tid, mellom anna ein klatretur i 1922 som 16-åring saman med far sin Christian Andreas Gunneng. Asbjørn Gunneng døydde ung som følgje av ein dobbeltsidig lungebetennelse han pådrog seg etter ei ufrivillig overnatting på ei fjellhylle i Alpane under ein klatretur.

 

Del artikkel

Del sida

Fylkesarkivet i Sogn og Fjordane, Askedalen 2, 6863 Leikanger, Norway Tlf +47 57 63 80 00 - Faks +47 57 65 61 01 postmottak.sffarkiv@sfj.no
Login