Gulen på Arkivportalen.no

Det ligg mykje godt arbeid i magasina våre. Vi oppbevarer
m.a. eldre arkiv, arkiv fram til 1964, for dei fleste kommunane i fylket. Magasinarbeid
er eit satsingsfelt dette året , så det er gledeleg når vi som siste steg i ein
lang arbeidsprosess endeleg kan trykkje på publiseringsknappen til den
nasjonale søkjetenesta Arkivportalen. no. Vi veit då at grovordninga er gjort,
arkivboksar og protokollar er plasserte i mønstergyldig orden på sine
respektive hyller, arkivlistene er fullstendige og alt er registert med
hyllesplassering slik at det å finne fram går som ein leik.

Søkjetenesta du finn på Arkivportalen er
landsomfattande, og her kan du søkje på tvers av alle arkivkatalogar i landet. Alle
dei oppdaterte arkivkatalogane våre skal vere å finne på Arkivportalen.no, og her
er det no mogleg å få oversikt over kva arkiv som finst frå gamle Gulen kommune.