Sogn og Fjordane

Kulturhistorisk Leksikon har runda 1700 artiklar. Det er ein omfattande teneste som er gratis og open for alle. Her finn du stoff om krigen i Sogn og Fjordane, Fylkesbaatane, administrasjonshistorie, kyrkjer, gamle handelsstader, veghistorie og mykje, mykje meir. Heile fylket er dekka. Artiklane er gjennomgått av fagfolk, og har kjeldetilvisingar. Kjende forfattarar og lokalhistorikarar i fylket har bar bidrege i denne store databasen. -Nysgjerrig? Gå inn og sjå på stoff frå din heimkommune.

I 1993 starta Fylkesarkivet å byggje opp ei samling med lokalhistorisk litteratur og relevant faglitteratur til bruk i arbeidet for arkivarane. Samlinga er ikkje eit utlånsbibliotek, men er til internt bruk. Vi kan likevel yte ein viss sørvis overfor brukarane våre, som å svare på spørsmål om bøker og kopiere innan regelverket.

Julenummeret av "Kjelda" ligg snart i postkasser rundt omkring i landet. Bladet er inne i sin 21. årgang. Som vanleg er det fylt med variert og spanande stoff. Kjelda er det einaste fylkesdekkjande bladet for arkiv og historie i Sogn og Fjordane. Teikn deg som abonnent no. Då får du alle nummer i 2013, pluss vårt rikhaldige julenummer 2012. direkte i postkassa di.

Du kan søke i 180.000 historiske stadnamn frå Sogn og Fjordane. Stadnamn er spanande, og kan gje verdfull informasjon om naturtilhøve, kulturhistorie, overtru, katastrofar og konflikt, og mykje mykje meir. Stadnamna er og viktige referansepunkt i terrenget som folk flest brukar kvar dag. Fylkesarkivet har gjennom 20 år samla inn, bearbeidd og digitalisert stadnamna. Dei er no tilgjenglege i eit eige kartgrensesnitt på nettet. Gå inn på http://www.fylkesatlas.no og finn dei ukjende stadnamna frå din heimstad.

Fylkesarkivet i Sogn og Fjordane gjer ut bladet Kjelda. Det kjem med 3 nummer kvart år, og er no inne i sin 21. årgang. Det er det einaste fylkesdekkjande bladet for historie, arkiv og kjelder i Sogn og Fjordane. Nytt høvet til teikne eit årsabonnement for 2013 no. Då får du vårt komande julenummer inkludert. Eit årsabonnement av Kjelda kostar kr 195. Send tinging på epost til: postmottak.sffarkiv@sfj.no.