Responder al comentario

Denne veka er det igjen klart for det årlege representantskapsmøtet i regi av Rådet for folkemusikk og folkedans. Representantskapsmøtet i Rådet leggast saman med fagdagane til Rådet for folkemusikk og folkedans. Nasjonale/regionale organisasjonar og institusjonar som arbeider for/med folkedans og folkemusikk tek del på representantskapsmøtet og fagdagane. I år er møtet lagt til Trondheim.

Representantskapsmøtet og fagdagane inneber òg utdeling av Rff-prisen. Rff-prisen 2011 går til folkedansaren Martin Myhr. Myhr er født og oppvokst i Trysil, men er no busett på Torpo i Hallingdal, og har sidan 1980 gjennomført meir enn 2000 skulekonsertar i Noreg og Norden. Rff skriv i grunngjevinga for prisen at Myhr får prisen for "et særdeles allsidig arbeid både som danser, formidler og inspirator." I tillegg til eigen kunstnerisk karriere har Myhr drive opplæring i dans på alle nivå, og har gjennom flerie år bygd opp eit aktivt dansemiljø for ungdom heime på Torpo. Frå 1991 har han arbeidd som frilans folkekunstnar med hallingdans som hovudfelt. Han er i dag medlem av dansekompaniet Frikar, og utover det involvert i flere større og mindre produksjonar (mellom anna er han tilsett som prosjektmedarbeidar i Bygda Dansar). Myhr har vunne Landskappleiken i hallingdans heile sju gongar i perioden 1981-2008.

Rff-prisen blir tildelt av Rådet for folkemusikk og folkedans til personar som har gjort ein ekstraordinær innsats på områdane folkemusikk og/eller folkedans.  Prisen vart innstifta i 1993 og har sidan blitt utdelt årleg. Prisen er på kr. 15 000 samt eit steinmotiv, og blir delt ut under fagdagane i Trondheim 3. november. 

Kjelde: folkemusikk.no

Les meir på RFF-senteret sine heimesider.