Seminar om folkemedisin, magi og klarsyn
Seminar om folkemedisin, magi og klarsyn
Vernesymbol på dør frå mellomalderen
Sogn folkemuseum i vintersol
Sogn folkemuseum arrangerte førre veke eit svært interessant seminar. Ca. 140 deltakarar var møtt opp og blant dei Randi Melvær frå Fylkesarkivet. I samband med dette seminaret opna dei ei utstilling av magiske gjenstandar frå samlingane sine. Denne utstillinga er vel verd eit besøk.
Landskjende fagfolk var hyra inn for å fortelje om folketru og gjenstandar, vernande symbol og magiske formularar, tussar og troll, svartebøker, gjenferd, synske og heilande hender. Siri Benjaminsen var komen frå Årdal for å fortelje om Huldreduken på Ve, som er C14-datert til første halvdel av 1400-talet. Fleire av foredraga var knytt opp mot gjenstandane i utstillinga. Dette var eit godt pedagogisk grep.
Del artikkel
Agregar comentario