Folkemusikk, SFJ

Fristen for å føreslå kandidatar til Egil Storbekkens musikkpris går ut 15. mai. Pris er for dei som har gjort ein særskilt innsats for folkemusikken og då spesielt dei eldre folkemusikkinstrumenta. Meir om prisen finn du her.

Naustedalen spelemannslag er ein av dei nominerte til Årets lokallag 2013! Meir om Naustedalen og grunngjevinga for nominasjonen finn du her. Dei to andre laga som er nominerte er Hardanger Spelemannslag og Eiker spelemannslag.

Gamlebanken spelemannslag vert arrangør for årets Vestlandskappleik. Kappleikshelga vert 11.-12. oktober. Vi håper sjølvsagt på god deltaking både frå vårt eige fylke og nabofylka så set av datoane alt no. Meir info om kappleiksarena m.m kjem etterkvart.

Det nærmar seg påmeldingsfristane til Landskappleiken, Mokurset og Landsfestivalen!

Nettsida til Mokurset vert i desse dagar oppdatert med info om kurs, instruktørar o.l. Påmeldinga er alt opna. Påmeldingsskjema finn du her. Siste frist for å melde seg på er søndag 26. mai! Velkomne til Mokurs :)

Årets Førdefestival nærmar seg og programmet er på plass. Tema i år er musikk og natur. I løpet av 4 dagar kan publikum velje mellom 100 arrangement på 30 arenaer med omlag 300 artistar. Alt om årets artistar finn du her.

Arrangørane av årets Fylkeskappleik har lagt ut mange foto og også video frå kappleiken. Vi oppfordrar alle om å gå inn på heimesida til fylkeskappleik å sjå på desse!

Synnøve Bjørset (foto) vann spel fele/hardingfele klasse A på Fylkeskappleiken 2013. Med det sikra ho seg også vandrepremien i spel til odel og eige. I dans vann Leikny Aasen og Vidar Underseth A-klassa og tok sitt andre napp i vandrepremiane her. Kari Malmanger tok sitt første napp i vandrepremien i song. Komplett resultatliste for Fylkeskappleiken Sogn og Fjordane 2013.pdf

Smørbukk-kappleiken vart i år arrangert på Skei samband med fylkeskappleiken i Sogn og Fjordane. I alt 59 rekruttar/nybyrjarar deltok. Det var stort spenn i innslaga frå solistar i både spel, dans og vokal til vokalgrupper med opp til 18 deltakarar i. Ein kort fotoserie med ein del av deltakarane er lagt ut. Den kjem til å bli oppdatert med fleire foto etterkvart. Fotoserie frå Smørbukk-kappleiken 2013- oppdatert 11.4.2013

Resultata frå kappleiken er no klare: Resultatliste Fylkeskappleiken Sogn og Fjordane fredag 5.4.2013.pdf Del II Resultatliste Fylkeskappleiken Sogn og Fjordane laurdag 6.4.2013.pdf Komplett resultatliste for Fylkeskappleiken Sogn og Fjordane 2013.pdf

Startlista til fylkeskappleik for Sogn og Fjordane 2013 er klar. I alt 55 startnummer skal i aksjon fredag og laurdag på Skei. I tillegg kjem Smørbukk-kappleiken for rekruttar/nybyrjarar. Nedanfor finn du startliste og oppdatert tidsskjema for årets kappleik. startliste fylkeskappleiken på Skei 5.-6. april 2013 -oppdatert 3.4.2013.pdf Program for fylkeskappleiken Skei 2013 -oppdatert 2.4.2013.pdf

Fylkeskappleiken 2013 nærmar seg raskt. Sjølv om den opphavlege påmeldingsfristen er ute, melder arrangørane at påmeldingssystemet vert ope til og med påskeafta 30.mars. Dermed er det framleis høve til å bli med på årets kappleik. Har du ikkje fått avgarde påmeldinga di enno, gå inn på: paamelding.folkemusikk.no og meld deg på med ein gong!Vi sjåast på Skei!

Antonia Karete Haugen Kongsvik frå Spelemannslaget Fjelljom vart vald til ny leiar i Sogn og Fjordane folkemusikklag under årsmøtet på Skei 3. mars.

Vi inviterer til Smørbukk-kappleiken 2013 laurdag 6. april på Skei i Jølster!

I 2012 fekk Seljord Spelemannslag prisen for årets lokallag for sitt gode rekrutteringsarbeid. I år vert det lagt vekt på revitalisering av lokale folkemusikk - og folkedanstradisjonar. Fristen for å sende inn forslag er 12. mars.

Tormod Kleiveland (28) frå Osterøy er ny prosjektleiar for Mokurset 2013.

Jorun Marie Kvernberg og Øyvind Sandum slepper plate og byr på konsert med danseslåttar etter Ole Blø.

Førdefestivalen har lansert tema og temaartistar i dag.

Halkjelsvika Spelemannslag inviterer til munnspelkurs i Hornindal.