Fylkesarkivet i Sogn og Fjordane har fått ny nettstad!

fylkesarkivet.no

Du er no på den gamle nettstaden og den vert ikkje lenger oppdatert med nytt innhald. Klikk på denne beskjeden for å besøke ny nettstad med siste nytt frå oss. Velkommen!

Konsert med Viken/Brimi i Jostedal 5.oktober

Konsert med Viken/Brimi i Jostedal 5.oktober

Viken/Brimi (foto: Ingvil Skeie Ljones)
Viken/Brimi (foto: Ingvil Skeie Ljones)
Duoen Aslak O. Brimi/Erlend Viken er for tida på turné. I kveld, onsdag 5.oktober kl. 20.00, spelar dei på Jostedal hotell.

Jostedal spel- og dansarlag inviterar i kveld til konsert med duoen Viken/Brimi på Jostedal hotell. Billettar til konserten blir selde i døra. Inngang: kr 200.

Viken/Brimi har lada opp til turné med nominasjon til Folkelarmpris og to showcases på Folkelarm i helga. Deira andre utgjeving "Ho venta på rock" (ta:lik) vart lansert i sommar og no vil Viken/Brimi ut og møte publikum med repertoaret frå plata. Den fyrste plata, “Duo”, hausta gode kritikkar, og fekk Folkelarmpris i 2009.
Brimi frå Lom og Viken frå Oppdal er sterke tradisjonsberarar frå sine distrikt, og vidarefører tradisjonen som unge moderne spelemenn. Både Aslak og Erlend kjem frå folkemusikkfamiliar, og jobbar aktivt med å ta vare på og utvikle slåttemusikk frå tradisjonsområda deira. Slåttetradisjonane i Lom og Oppdal er utømmelege kjelder av spennande musikk, der stadig nye godbitar dukkar opp frå gløymselen. Musikarane utfordrar slåttane og former dei på sitt eige vis.

Erlend Viken | fele, oktavfele
Aslak Brimi | fele

Folkemusikkarkivet oppmodar alle interesserte om å få med seg konserten i Jostedalen i kveld, 5.oktober, kl. 20.00!

Les meir om konserten på folkemusikk.no og på Jostedal spel- og dansarlag sine heimesider.

Del artikkel

Del sida

Fylkesarkivet i Sogn og Fjordane, Askedalen 2, 6863 Leikanger, Norway Tlf +47 57 63 80 00 - Faks +47 57 65 61 01 postmottak.sffarkiv@sfj.no
Login