Folkemusikkperler frå Sogn og Fjordane – Gro Marie Svidal sine favorittlåtar

Musikkavdelinga ved Fylkesarkivet har invitert ulike utøvarar og arrangørar med tilknytning til Sogn og Fjordane, til å lage spelelister med musikk frå fylket. Den andre i rekka til å dele speleliste er Gro Marie Svidal.

Svidal er tilsett som prosjektleiar i Bygda Dansar. Danseru’ er Bygda Dansar sitt prosjekt i Buskerud. Prosjektet har samlingar kring om i fylket. Prosjektet starta opp i 2009, og blir avslutta seinare i 2012. Danseru’ blir leidd av Martin Myhr og Gro Marie Svidal.

Hardingfelespelaren frå Jølster er utdanna frå Noregs musikkhøgskole i Oslo. I 2010 leverte ho masteroppgåva Ve'dunderlæ: perspektiv på den munnlege kommentaren i hardingfelekonserten. Interesserte kan låne masteroppgåva hennar her.

Elles arbeider Svidal som utøvar og held kurs og konsertar i inn- og utland, og ho turnerar med skodespel som I berget det blå og Den vesle prinsen. Våren 2012 tek ho del i framsyninga Matias Orheim ved Sogn og Fjordane teater.

Gro Marie Svidal si speleliste:
1.    Håkon Høgemo (Bufaste tonar): Springar etter Per Sandnes (Ii)
2.    Håkon Høgemo (Bufaste tonar): Springar etter Per Sandnes (I)
3.    Sigmund Eikås: Bensen
4.    Sigrid Moldestad: Spelemannen
5.    Sigmund Eikås: Klunkespringaren
6.    Ragnar Vigdal: Jeg har så lun en hytte
7.    Knut L. Sandal: Stillelåt (lydarslått)
8.    Unni Løvlid: Ramnebryllaup
9.    Arne Sølvberg:: Kolagutane 2 etter Magne Maurset (springar)

Høyr spelelista i Spotify (utvalet er begrensa då strømmingstenesta Spotify ikkje har eit like breitt utval innan norsk musikk som den norske strømmingstenesta Wimp)

Les meir om Gro Marie Svidal her.
Fylkesarkivet sine eigne lydopptak av Gro Marie Svidal finn ein her.
Om du ynskjer å høyre Fylkesarkivet sine lydopptak med utøvarar frå fylket, ta kontakt med musikkarkivar Erle Hind.

Høyr Hilde Bjørkum si speleliste her.

Kjelder: www.folkemusikk.no