Gode resultat for Sogn og Fjordane under Landskappleiken 2012

Spelemenn og spelemannslag frå fylket kan syne til gode resultat under årets landskappleik. Her er nokre av resultata:  

Spel hardingfele klasse A

Synnøve S. Bjørset kapra 3. plassen med 128 poeng (delt 3. plass med Per Anders Buen Garnås).

 Spel hardingfele klasse B

Erlend Apneseth (Indre Sunnfjord spelemannslag) sikra seg 2. plass med 116 poeng. Dagfrid Vallestad Brevik (Gaular spelemannslag) kom på 4. plass med 113 poeng. Også Leif Erik Stuhaug (Naustedalen spelemannslag/Gamlebanken spelemannslag) og Ingrid Heieren (Indre Sunnfjord spelemannslag) kan syne til særs gode resultat i spel hardingfele klasse B.

Spel hardingfele klasse C

Mathilde Skjæret kom på 4. plass med 103 poeng (i denne klassa var Andris Hemsing suveren vinnar med 116 poeng). Også Nikolai Storevik og Kine Svori kan syne til gode resultat i hardingfele klasse C.

Dans hardingfele klasse A

Leikny Aasen og Vidar Underseth kom på 8. plass med 93 poeng.  Vidar Underseth er frå Solund, men bur i Ålesund saman med kona Leikny Aasen.

Gruppespel junior

Myklemyrjentene kapra 1. plassen med 96 poeng. Myklemyrjentene er Mathilde Skjæret og Kine Svori frå Jostedal i Sogn.   

Lagspel senior

Gamlebanken spelemannslag kom på 2. plass, berre slått av Gudbrandsdølenes spelemannslag.

Vokal C

Kine Svori kom på 5. plass med 90 poeng.

Heile resultatlista finn ein på Landskappleiken sine heimesider.

Fylkesarkivet si musikkavdeling gratulerer alle utøvarane frå Sogn og Fjordane med god innsats!