Ny IKT-arkivar ved Fylkesarkivet

Geir Utmo er tilsett som IKT-arkivar ved kommunearkivordninga på Fylkesarkivet. Geir kjem frå Vik og skal arbeide med bevaring av elektroniske arkiv frå kommunane i fylket og frå fylkeskommunen. Han vil og drive rettleiing i spørsmål som knyter seg til elektronisk arkiv og t.d. utfordringar i samband med overgang til fullelektronisk arkiv.

Geir kjem no frå stillinga som dagleg leiar ved Sognenett. Han har tidlegare vore tilsett i stillinga som IKT-arkivar ved Fylkesarkivet og har før dette vore IT-ansvarleg i Vik kommune i fleire år. Han er utdanna som høgskulekandidat ved Høgskulen i Sogn og Fjordane og ved Høgskulen i Volda.

Fylkesarkivet er svært nøgd med at Geir ville koma attende til jobben, og me er trygge på at både kommunane og fylkeskommunen vil nyte godt av kompetansen hans.