Aktuelt

Sogn spel- og dansarlag og Jostedal spel- og dansarlag skipar til folkemusikkhelg i Jostedal laurdag 17. og sundag 18. november.

Fylkesarkivet har motteke eit eksemplar av den fyrste komplette bibelomsetjinga til dansk, trykt i 1550. Bibelen vart i 1982 gjeve til det som då var Sogn og Fjordande Distriktshøgskule. Ynskje om å oppbevare boka i eit tryggare lokale har no ført ho til Hermansverk.

Dei to eldste formannskaps/kommunestyreprotokollane, 1922 – 1937, vi har motteke frå Sør-Vågsøy, er no digitaliserte og ligg på heimesidene våre.

Prosjektleiar for 250-årsjubileet for Sogn og Fjordane fylkeskommune, Edvin Helgheim, ynskte velkomen til dei 48 frammøtte. Programmet for dagen var å presentere dei første to banda i fylkessoga og Flora si nye bygdebok.

Sigrid Terese Moldestad frå Breim er tildelt Hilmar Alexandersen musikkpris 2012.

Hermund Klepppa har funne fram ein interessant artikkel om tingstova i Lavik. Tingstova finst ikkje lenger, men i 1956 skreiv Anders Skåsheim om ho i avisa "Sogn og Fjordane". Fleire personar hadde gitt Skåsheim opplysningar slik han kunne laga ei skriftleg framstilling. Informantane hans var gamle folk. Skåsheim samla historiske opplysningar og sikra dei for ettertida. Takka vere Skåsheim veit me noko om den gamle tingstova i Lavik.

Skipsleia Bergen-Sogn har mange attraksjonar for turistar og andre reisande. Strekninga frå Kvennafjorden nordover til innløpet av Sognefjorden har fleire svært smale stykke som vekkjer undring: at det er råd å manøvrera i stor fart i så trangt farvatn. Men somme stader sakkar båtane farten, forbi bryggjer og småbåtplassar. På det trongaste sør i Alværstraumen gjer dei det. Her fer båten forbi eit skjer der det står ein lyktestolpe og, ein hund.

Måndag 22.oktober reiste kommunearkivordninga mannsterke på vitjing til Gulen kommune. På dagsorden stod elektroniske arkiv, samt papirarkiv danna etter 1964.